اطفال الحجارة بقلم صلاح منير

أطفال الحجارة
كتبت على الحجر أسمي
رجعت لقيت الحجر فتافيت
سألت قالوا لي: المتعنتظ الخرتيت
ولما سألناه عن سبب غضبه
قال: مش ده عدو ولاد صهيون
فالوا له: بس ده اسم على حجر
قال: كل اللي يخصه كان حجر ولا شجر
أنا ححرقه ودمره حتي لو كان بيت
أنا لدمار حياته ومقتله هنا جيت
لموا الولاد الحجارة والفتافيت
ووقفوا له بالمرصاد أمام البيت
قلقوا منامه وما خلوه  يرتاح
والله أكبر وحي على الفلاح
والحجرة النبلة ترشقها في قلب عنيه
طلعوا زمايلة بالرصاص الحي
قتلوا وجرحوا الولاد بالحي
واللي اتمسك ع المعتقل يا خي
وقالوا اللي يقرب من بيوت صهيون
مصيره أسود زيهم حيكون
بس الولاد شجعان أبطال
لفوا ورجعوا له بالمندار
قالوا له: يا ويلك مهما تكون جبار
احنا معنا الحجر
وانت معاك النار
ولو شهيد مات لنا
لسة بلدنا عشار
يطلع بداله ألف كل نهار
واحنا على أرضنا
وراك من كل دار لدار
ما حد بيهمنا غير ضيعة الأحرار
نحميها بروحنا وبدمنا
حتى ترحلوا منها يا أشرار
بسام وغسان وجرجس وعمار
ولاد شجاعتهم تفوق لكبار
وزغردي يا أم الشهيد زغرودة
يسمعها اللي في الشام وفي الأنبار
وخلي صوت يافا وحيفا كصوت النار
تسمعوا عواصم العالم ومنا تغار
وتعرف ان في فلسطين شباب أحرار
بيدافعوا عن أرضهم ضد عدو غدار
يمكن ياما يعدلوا الميزان لصالحنا
وان ما أتعدل ياما احنا شباب ثوار
عارفين قضيتنا ولحلها صامدين
وحقنا في أرضنا راح ناخده م الغاصبين
مهما يموت مننا انت بتولدي ملايين
وبحجارتنا هنحقق نصر صلاح الدين
قلبي عليك ياولد طول ما العرب نايمين
واقف لوحدك يا ضنى وهم مش سألين
رد البطل بجسارة وبايده اليمين سكين
أنا مش عاويل يا مايا أنا عليهم قادر
واللي حيشفوه مني راح ينكتب في دفاتر
واللي معاه الحق دائما على النصر قادر
اسمه جهاد الفتى واتربى لازم يكون ثائر
يا أطفال الحجارة البواسل قلبي معاكوا بجد
وقفين في الميدان في وش العدو وقفة أسد
شعوب الدنيا تشهد لكو على الكفاح والمجد
صلاح منير
10/01/2018