الشاعرة/ روعة محمد وليد عبارة

كل يوم بقرر انساك 
كل يوم بنام وانا عم اوعد قلبي القهور 
بكرة رح يجي بلاك 
كل يوم بزرع فوق الوجع نجمة
وبقول رح تضوي نجومي برا سماك 
كل يوم بكذب ....وبصدق هالكذبة
وبوعد حالي وبرجع متل الطير
متل الوطن انت مابقدر عيش بلاك .....
بس جرحك عم ينزف بضلوعي ...
ليالي قسوة ......وسنين حرمان ....
وهجر ملون بالغدر ....وبترجع حروفي ترتلك
وبترجع العين تصرخ دنيتي عتمي وانت النور
انت النوووور ...لك ااااااخ شو عشت ليالي خوف
وبكيت وانا انتظر منك حرف ....وتكون سارح بعالم
عالمك يلي رسمتو ونسيتني برا......ابكي اصرخ وضيع بدني .....وانت الك دنياك
رح يجي يوم .....لحظة ......تخلص كل نارك بقلبي
تصير ندبة فوق جبين عمري
واصرخ ......ماعاد ارجع الك ......واتركك تتذكر كيف قتلت حبي .....يمكن تندم .....بس رح يكون فات وقت الندم .....وصرت اقدر عيش بدون مااترجى عطاك
روعة محمد وليد عبارة
سورية