الشاعر/أشرف رسلان

ياتاجِر الصَّبر
○○○○○○
ياتاجر الصبر
إفتح لي دُكانك
صبري خلاص إنتهَى
عَشمان في إحسانك
مِنْ كتر دُوق المُر 
خِلصِت تحاويجك
قَادر تِشوف لي
بَديل
مِن غِيري ... قُدَامَك
.......... ........
ياتاجر الصبر
دَوَّام على بَابك
عَاشق لأعتَابك
آه لو لِصبري تِزيد
راح أبقى خَدامك
.......... ........
ياتاجر الصبر
أنا المًوال الحَزين
عَلى طَبلة وِربابة
وقُولت الآه و أنين
طَالِت وبزيادة
الحُزن فيه مَلضوم
صُورَة  كما كِتابة
دِقيقة .. ساعة 
ويوم ....
أهي دُنيا كَدابة
.......... ........
ياتاجر الصبر
ضَرير و بتعَكِز
مَاشي عَلى رَسمَك
ولو تِوصِف لي طَريق
أمشي عَلى وَصفَك
كُل ماحَالي يِضيق
أذكُر أنا إسمَك
.......... ........
ياتاجر الصبر
إرحَم بَقى حَالي
دا صَبري كَما طِير بِيطِن
والطَّنة في وِداني
طُول مَا البَشر بِتزِن
عُمرَك مَاتِنسَاني
●□□□□●
     كلمات/أشرف رسلان