الشاعرة/ راوية حسن

انا شوفت حبيبى بقلبى
من يومها مش قادرة اخبى
سمعت صوته وشوفت منه
اللى يخلينى مااتخلى عنه
قام وندانى وقالى تعالى
لدنيا فيها حبى وحنانى
روحت عليه وانا روحى فيه
مديت له ايدى امسك ايديه
وقلت اتاكد انه حقيقه
وانه معايا فى كل دقيقه
عمرى مااسيبه ولا عنه ابعد
هو فى قلبى دايما بيوعد
ماتوفى وعدك ياحب عمرى
ده امرك انت ده مش امرى
قلت اسيبك تيجى بكيفك
حيجيلى طيفك يقوم وياخدنى
واما اشوفك اروح عليك
وروحى دايما هايمه حواليك
اخدت ايدى فى حضن ايديك
ساعتها قلت وكمان سكت
وقلت تانى بلاش عتاب
وخفت ساعتها تكون سراب
وفتحت باب والف باب
لجل ما اشفك اناجى طيفك
زرعت وردى احمر ووردى
عشان عيونك واخد وادى
وياك ياروحى انا فى الكلام
خلاص ياطيرى حتروح لغيرى
وانا من ساعتها قلبى مانام
ليه القسيه وحبك ليه
ده كام حقيقه ولا خيال
اديتك عمرى ياكل عمرى
لو الامر امرى مااسيبك تروح
ازاى تسبنى وبتقول حاببنى
وروحى خلصت ماعاد فى روح
=================
راوية حسن