هوقلمي يكتب ما يريد ارسم ياقلمي ورده تكون دبلانه وارسم ضحكه تكون بهتانه و فى نص ضحكه كدابه اكتب اسمي اكتب نفسيتى التعبانه اااه متبنج جدا مش حاسس ولا عارف آخرتى بأمانه ارسم ياقلمي قلب بيحضن قلب وارسم إيد بتفارق إيدارسم بيت عايزين نوصله لكنه بعيد..أرسم اول حب قابلته ارسم صوره فى عز المطره فيها اتنين بالصدفه اتقابلو .ارسم جرح قديم متخيط ارسم طفل جميل بيعيط ارسم وش ملامحه عجوزه لكنه شباب من جوه وارسم باب مقفول ع الأخر وجواه قلب شال اوجاع من صنف الفاخر.. ارسم شله و ناس وصحاب مبقوش حلوين في الاخر. ارسم دمعه رافضه تجف بقالها سنين ..ارسم عمر لازال بيضيع على شىء مجهول وارسم حلم بقاله كتير على قطر غدر ارسم وكسه و حسره كبيره ارسم لمه ملناش فيها ارسم عيله او ارسم فرحه جميله بتهرب خلف السور. ارسم بيت كان زحمه لكنه اصبح مهجور. ارسم قارب بقا بيميل من كتر الشيله ..ارسم حمل تقيل بيشيلو دراع مكسور. ارسم ضحكه خبيثه كلها زور . ارسم ضلمه فى عز النور. ارسم بلدى و ارضى ال اصبحت بور. ارسم حلم ارسم فكره ارسم جيل مستنى الهجره من بكره بكل مشاكله ارسم قلب و عقل فى روحك على طول مع بعض بيتشاكلو. ارسم وشي وانا بضحك و انت بترسم شكله ارسم كل كلام اتقالك كل ال خانك ارسم نفسي و هي بتجرى فى قلبي وانت مكانك ارسم و اكتب اى كلام طلع غلك فى الكراسه فرغ كبتك فى الكشكول وانت وضميرك صبري احمدفي الاسكندريه
مجلة أدبية * فنية * متنوعة * شعر فصحى* شعر عامي* قصة * ومضة* أجتماعية ثقافية * سياسية
ليست هناك تعليقات:
إرسال تعليق