يا كم حملت بقلبي أحزان وهموم
حتّى الصبر يحتار في طول صبري
ياما صفحت ذنوب بعداد النجوم
ياما مسحت دموع عيني وانا أدري
حالي خبز لشعير ماكول مذموم
تحرقني النيران مرخوص قدري
جيتك وانا المجروح مقهور مظلوم
سقت العذر لعلِّ ترضى بعذري
ليه الجفا والصَّدِّ لي كثرة اللوم
وانا الِّي شلت خطاك من طول عمري
مغرم بحبَّك يالغلا فيك محكوم
جمر الهوى يلفح ضلوعي بصدري
تغفى عيون النَّاس وتغط بالنوم
ومنين جيب النوم والشوك خدري
لا صار ما عندك وفا فيك مصدوم
وانت لبيدَّك تحفر حدود قبري.
رضوان القنطار
ليست هناك تعليقات:
إرسال تعليق