الشــاعر / أحمد صبري

وانا طاير
احمد صبري
-
وانا طاير
بقابل ف الفضا نجمة
ودنيا جميلة مبتسمة
ولما الارض تخبطني
بكام حاجة تلخبطني
دا نصيب ودي قسمة
مافيش حاجة تظبطني
اْكيد فيها
حكاوي جميلة ف عنيها
وقصة شوق مخبيها
بتجرحني
بتدبحني
اْعيش العمر ليه يعني
ومهما الكل ريحني
مانيش مرتاح
مانيش قابل دفا غيرك
سنين سواح
بجمع لك فواتيرك
إشي منور إشي مطري
عشان الصبر والقسمة
وريح الحب بتعري
لاهي بتنفع ولا مهمة
وانا طاير
بقايل في الفضا نجمة
رقيقة كاْنها نسمة
وبساْلها
انا صاحي اْكيد بحلم
تميل حسنها ببسمة
اْدوب ف حضنها افهم
اني حبيبها وبزمة
وتاني الارض تخبطني
وتسحب قلبي من بطني
ومهما الصرخة بتزلزل
مافيش مخلوق بيسمعني
ياكدبة جديدة يا حكاية
لوحدي وربنا معايا
معاكوا شوفت انا ذلي
وليل الغربة بيقوللي
انا عايزك
انا هاخدك
الناس والدنيا مش اْدك
مافيش ذيك خلاص ماتوا
ويمكن وحدتك نعمة
ماحدش ضحى بحياته
عشان الاصل والكلمة