الشاعر/عزالدين جبريل

المكالمه
استكترتى تسمعينى صوتك
كل ده علشان تكسبى
الف مبروك حبيبتى
قتلتينى بس بسكوتك
ولقيت روحى بتهته
وصوتى مش عارف
ولا قادر عليكى ينده
ودمعه ف عيونى
بتحرق منى القلب
معقول كل ده
كان ليكى حب
ازاى قدرت اكره
ومين علمنى اقسى
خلاص مبقتش قادر
اشيلك من جوه منى
ولا عارف ليكى انسى
طب ليه كده
وبعد كل البنا والحب
عاوز فى لحظه انسى
وبكل جبروتى اهد
انا مش انا ولا اعرفه
ده شئ خبيث
ولازم فى يوم اكشفه
معقول قلبى يدق لك
وانا بين ضلوعى احبسه
وهواكى انا بتنفسه
طب ليه كده
وقدرت انى اكره
اكيد مش انا
وانا اللى صوتى
اتخرس بعد الكلام
ده كان عليكى ينده
صدقينى مش انا
ده حد تانى واحد انانى
جوه منى الف واحد
وكل واحد له كلام
لكن مفهمش انا
انا اللى حب واتظلم
اللى شبع منك الم
لكن لسه بحبك
مش قادر انساكى
وجوه منى طواحين
بيحركها هواكى
علشان كل ده
انسينى بترجاكى
لكن انا بعد العزاب
ولا قادر لحظه انساكى
او قولى انك بتحملينى
ولو تقدرى دمرينى
زى ما دمرتك انا
زى ما جريت دموعك
من عشره يادوب
كام شهر وسنه
هدى بناى اللى بنيته
هكون متشكر وفرحان
انك انتى اللى هدتيه
او رجعيلى بس قلبى
اللى سابنى لما شفتك
وجمب قلبك وبين ضلوعك
سكنتينى وسكنتيه
هاتى سكينه واقطعيه
يا تسكتى الالف واحد
اللى كلهم جوه منى
او قولى كلمه وصبريه
الشاعر/عزالدين جبريل