الشاعر/ ✍🏻 محمود البراد

(المشهد) 
***************
متشكر جداً لحضورك 
مثلتي المشهد ببراعه
صدقت أنا فعلاً تمثيلك
باعلنها وبكل صراحة 
الدمع السايل على خدك
دا بيجرح احساسي المرهف
جمهورك متفاعل جداً 
لجمال تمثيلك للمشهد
كعبلتي الحاضر في الماضي
ودعتي حلم المستقبل 
ومحيتي كل بطولاتي 
خيال الضل انا مش اكتر
بس المشهد كده متشقلب
معكوسة كل الادوار
جايه وفي ايدك ورد احمر
مش قابل منك أعذار 
عديني بسيول اشواقك
انسيني من غير احراج
دي مشاهد دخلت ع القصه
متضافه بفعل الاخراج
بتأمل صورتك في المطره
قاعده مشغوله في التاب
وانا لسه بجهلي باستفسر
دي بتقرا وف أنهى كتاب
وف لحظة المشهد يتغير 
لاتنين من زمن الاغراب
تجمعهم صدفه معهوده
فى عيونهم نظره وعتاب
بتجمع ذكري بتالمهم
بتواسي كل الاحباب
مع كلمه كت من المخرج
بتحول احساسها سراب
متشكر جداً لحضورك..
نورتي... من غير أسباب 
شعر /محمودالبراد