الشاعر/ محمد جمال فايد

...............الشاردة..................
حاولى تنسى إنى بحبك
..............وانسى إنك تعرفينى
واسألى نفسك سؤال
..................هوه ليه بتعذبينى
وتتعمدى فى أخركلامك
................ دايماإنك تجرحينى
وكل ماأقرب خطوة منك
..............تجرى منى وتبعدينى
وكأن سعادتك مش هتكمل
...............إلا مع حزنى وأنينى
وطلبت منك.الف مرة
..............إنك.تحنى وترحمينى
لكن قساوتك مرة مرة
............وبكل قسوة بتدبحينى
ليه أحبك ليه أعزك
...............وانت بالبعد تهينينى
إيه موانع الحب بينا
................لو سمحتى عرفينى
المبادئ هية هية
............ونفس دينك هوه دينى
والصفاء إللى ف قلوبنا
........هو إللى جمع بينك وبينى
والوفاء إللى ف عهودك
............ليه منه دايما تحرمينى
والكلام إللى ف عيونك
.................غيره ليه بتسمعينى
والسنين القاسية عندك
.................ضعفها كانت سنينى
يبقى ليه كلمة بحبك
...................لما اقولها تزعلينى
ولو طلبت أسمعها منك
................ ...بالفراق بتهددينى
لما عقلى فك منى
...............وانت عاوزة تجننينى
إيه حكايتك فين صراحتك
.................ردى قولى وفهمينى
ومش رح هازعل عمرى
...........منك لوطلعتى بتكرهينى
يمكن أنسى يوم أحبك
...........وينتهى شوقى وحنينى
وانت تنسى يوم ماشفتك
...............أو حتى إنك تعرفينى
لو قدرتى يبقى عادى
. ........ وبرضه إنت فى نن عينى
ويبقى حلم جميل صادفته
.........وعمر صورتك ما تجافينى
بس أصعب لحظة هية
....................إنك إنت تودعينى
والفؤاد جواه بينزف
.................نفسه إنك تحضنينى
ومن طلوع الروح بيصرخ
...........مع السلامة ياضى عينى
مع السلامة ياضى عينى
...........مع السلامة ياضى عينى
...............مع تحيات.................
...........محمد جمال فايد...........
......جمهورية مصر العربية.........
..كفرشبرازنجى الباجور منوفية.