الشاعرة/ راوية حسن

كتابى
*****
فتحت فى يوم انا كتابى
وقريت سطرين
وقلت الفرح على بابى
وهم يومين
اتارى لسه فى حسابى
كان دمعتين
كان نفسى انسى ياقلبى
واعيشلى يومين
اتارى الحزن مقسوملى
وعلى الجبين
مكتوب كله فى كتابى
وكانوا السطرين
وفيهم كل ماساتى
ودموع العين
وقلت ساعتها ياعين هاتى
وانا قلبى حزين
والفرح دايما مخاصمنى
وده راح فين
اتاريه مش مقسوم لى
وهجرنى سنين
يادنيا ليه تحاسبينى
فى المره اتنين
ماتسيبى قلبى يتهنى
طول عمره حزين
واخد كفايته من الاحزان
نفسه فى يومين
يجرب فيهم الفرحه
ماهو قضى سنين
ويغير الحزن اللى عاشه
سنين وسنين
وافتح عينى على فرحه
وامللى العين
واخلى قلبى يتهنى
وانسى اللايمين
واخلى حياتى دى جنه
وافرح نوبتين
وانسى قلبى احزانه
والفرح فين
************
مع تحياتى/راوية حسن