يا حاملة لذنوب
شعر: وليد ايوب
يا حامله لذنوب
ودموعك على خدودك
حافرين دروب
بكلمة زغيري بجن بهواك وذوب
وما بتوب
حتى لو كنت مغلوب
والارض عم تشرب من مدمعي المسكوب
لا تفزعي من الحلم
بالعلم انت عاقلة
مش سائلة بالغيب
وفكرك علم مكتوب
لا تضيعي دربك
كل الطرق ال في سماها طيوب
توصل الى المحبوب
لا تخلي الحزن ينتف لك زهرة سنينك
لو ان الناس كلهن لايمينك
بيظل صدري كبير فاتح لك مساحة
بها راحة مباحة لسجينك
يلي قطعتي عهد، عالعهد خليكي
لوما يحل البرد حضني بدفيكي
ما ظل عندي حدا يا وردة البستان
كل ما عطشتي ندى معتاد اسقيكي
لو ما مرق طيفك على مسكب حبق،
غار الحبق، تخمين من ثوبك سرق
عطرو وسحرو
دمعو سبق سهم انطلق
وحتار في امرو:
كيف الشفق بيجي بعد هالليل،
والرعد لو تدرو
ما يلهث وينفث هديرو
الا بعد ما يوج البرق
وينـزاح عن صدرو
ليست هناك تعليقات:
إرسال تعليق