الشاعر/ عارف البديوي

ياشاغلني
ياشاغلني وشاغل فكري وياك
رايداك والنبي رايداك
يامطير النوم من عيني
وقلبي والله يهواك
محيرني ومحير عقلي معاك
اخدت مني احساسي
وسرقت مني روحي
وخليتني امشي وانا مش داري
مين انا وانا اسمي ايه
كل دقة في قلبي بتسلم عليك
وعنيا تناجي عنيك
احضني بين ايديك
وخليني انسى دنيتي وناسي
يامالك قلبي بالمعروف
حبك كواني تعالى شوف
دايما بفكر فيك
وباشواقي مستنيك
وبعد الثواني ألوف ألوف
لغاية ماشوفك يامحبوب
وخيالك بحياتي يطوف
لاني بعشقك ياحبوب
املي اعيش معاك
سنين وشهور وايام طويلة
ونقضي بدل العمر اتنين
انا وانت ياعمري ياكحيل العين
       عارف البديوي