حبيب الروح
سامح إيليا
ياللي كان ،،، بيشجيك أنيني
وكنت دايما ،،، محتاج حنيني
ولما أسأل عنك خيالي
كنت أسمع : هواك كاويني
كنت دايما ،،، بكحل عنيه بلقاك
كنت أهيم بروحي ،،، وهي كانت دواك
كنت بأتمنى نظره منك
والروح يا روحي ،،، كانت معاك
ياللي كان الحب ،،، غالي عليك
ياللي دوبت قلبي ،،، بالشوق إليك
ليه سايبني وحدي بقاسي
وانت عارف ،،، إن روحي فيك
ولما كنت أسهر وحدي ،،، وأفكر
وأسمع وحيده همس الريح ،،، وأتذكر
عقلي يا غالي عليه ،،، تايه
وفكري في غرامك كان ،،، بيسكر
أرجع بحبي وأعيش دنياك
وأقول لقلبي ، دا هو مناك
وأمني روحي بالفرحه والهنا
ومهما طال الزمن ، أنا هستناك
سامح إيليا
مجلة أدبية * فنية * متنوعة * شعر فصحى* شعر عامي* قصة * ومضة* أجتماعية ثقافية * سياسية
ليست هناك تعليقات:
إرسال تعليق