همس الاحبه
حوار الاحبه يعكس ماده الود والحب
وصدق المشاعر
هو
يا قلبي مالك ومالها
ابعد عنها وسبها في حالها
شكل كده قلبها مشغول
وبتفكر في حبيب العيون
هي
انا فعلا قلبي مشغول
وعيوني مش بتشوف النوم
وبسهر الليل افكر فيك
من زمان وانت في بالي
شاغل قلبي وكياني
كل يوم بستني اشوفك
واسمع صوتك وانظر لعيونك
علشان قلبي يرتاح
علشان انت اللي قلبي
بيك مشغول
هو
كنت حاسس ومتاكد
من قلبي وحبي ليكي
وقولت لقلبي كتير
هيه دي اللي شوقي عليها بيروح
اول ما اشوف عيونك بدوب
وانظر علي جمالك واقول
ملاك نازل من السماء
وبحلم يكون لي
هي
قولي كمان وكمان
نفسي اسمع منك احلي كلام
اعوض ايامي وسهري واحلامي
واضمك لحضني وكياني
واقول باعلي صوت
حبيبي بين اديه وعيوني
واخبيه في قلبي علطول
هو
انا دايما اكون معاكي
مش هسيبك ولو ثواني
خلاص حلمي اتحقق
ومعايا ملكه جمال الكون
انظر لعيونها وانسي الناس
واخدها في حضني وارتاح
من كل ايامي اللي فاتت
وانا بعيد عن احلي عيون
هي
ضمني كمان وكمان
خدني بين ضلوعك
ونسيني الحياه
النظره منك تشفيني
والضحكه منك ترويني
والحضن منك يكفيني
من دلوقتي اقول لكل الناس
وجدت من هيكون لي شريك الحياه
واكمل عمري كله معاه
ونعيش مع بعض علطول
هو
انا عمري هيكون احلي عمر معاك
واوعدك اكون ليك يا حبيبي زي الملاك
واطير في السماء واجبلك
حتي منها علشان ارضيك
كلمه واحده اقولها دايما ليك
بحبك يا من شوفت السعاده بين اديك
..................
خالد المنصوري
مجلة أدبية * فنية * متنوعة * شعر فصحى* شعر عامي* قصة * ومضة* أجتماعية ثقافية * سياسية
ليست هناك تعليقات:
إرسال تعليق