الشاعر/ محمد جمال فايد.. أعداء الحياء .. مجلة ملوك الحرف الالكترونية

..................أعداء الحياء......................

سنين العمر بتمر وأخرتها
......................أنا وإنت ع القبور رايحين
ومين فينا نام مرة ومتأكد إنه
.............هيصحى من نومه مع الصاحيين
يبقى ليه يا عبد تتخاصم
...............وتتصارع على زايل ليوم الدين
ونفسك تعلا على غيرك
...............وإنت وهوه مخلوقين من طين
وتفتن بين جميع الناس وتمرض
.............. ...لوتشوفهم مع بعضهم حلوين
وتكدب وتصدق كمان نفسك
..............وتفترى على ناس كلهم صادقين
وتخوض فى عرض ناس غيرك
........................بنظرة وكلمتين فاضيين
وتنافق عشان مصلحة والناس
..................لأصلك وفصلك كلهم عارفين
وتتغابى يزيد جهلك وهما
................لغرضك من ورا النفاق فاهمين
وبتلاوع فى حق غير حقك
...................وإن قالوا شمال تروح ليمين
وعندك للحرام شوق جارف
............................وحب ورمرمة وحنين
وحقدك ع العباد واضح
..........وقلبك طول عمره من سواده حزين
لو شم ريحة نجاح نسمع له
....................... صراخ ونباح وبكاء وأنين
وكرهك للخلايق داء ورثته
.......................جاوب وقول لنا عن مين؟
ونسيت قيامة وحساب
.....................زى كلاب فى الخلا شاردين
غلبهم شيطان البرارى وقضوا
....................عمرهم من صغرهم تايهين
لاخافوا من ربهم ولا سلم
..............من عضهم ناس كتير صالحين
فإياك تكون منهم ولا تغرك
................نعومة طبعهم لأنهم حاقدين
ولو سألت الحصى عنهم هيصرخ
........ ويحلف انهم طول عمرهم واطيين
طول عمرهم واطيين طول عمرهم واطيين
.....................مع تحيات ......................
.................محمد جمال فايد...................
..............جمهورية مصر العربية...............
كفرشبرا زنجى /الباجور/محافظة المنوفية