الشاعر/ ماهر محمود

.إرجع للشوق.
إرجع للشوق وليالي الشوق.
ياللي انت هواك بيحييني.
       وشاغلني هواك...
شعللت النار والفكر إحتار.
ليه تسبني لدمع عيوني....
     ومقدرش أنساك.
قلبي المسكين ظلموه غالين.
من بعد العشره فاتوني.
     والبعد هلاك....
راح فين العهد بعدم البعد.
ليه أنا فكراك وإنت ناسيني.
     إرجع يا ملاك....
بيعدي اليوم لاراحه ولا نوم.
وفي قلبي النار بتكويني..
     وأخرتها معاك.   
لو كنت حببني ليه بتسبني.
ليه تثير في هواك كل ظنوني.
     وعايزني أنساك.
هو الإخلاص كلمه وخلاص....
يابايعني يا إما شاريني....
     مش هاترجاك.
الحب أساسه قوة إحساسه....
ورده ومحتاجه تسقيني
    من نبع هواك..
إرجع للشوق كلمات.....
الشاعر ماهر محمود......