الشاعرة/ ياسمين عبد الرؤوف محمد

...
        يا صورته عني اساليه
                                      ......

يا صورته قوليلي ايه اللي فيه؟!
خلاني احبه وشغلني بيه
ان فات قصادي
من الفرحة اضحك
والعين تبص بشوق عليه

يا صورته قوليلي ايه اللي فيه؟!
جاذبني ، شاددني ، دوبني فيه
همس كلامه ولا سلامه
بعطر الورد
في حضن ايديه

يا صورته قوليلي ايه اللي فيه؟!
مخليني دايما سرحانة فيه
عطفه ووده ولا حنانه
ولا لون السما في عنيه

يا صورته طيري وبلغيه
مني السلام ، واساليه
وارجعيلي ب جوابه  
اللي حاصلي داري بيه؟

.....

ياسمين عبد الرؤوف محمد