شهر يار.. ف الصيام
...................
حرام فيكي الدموع
حرام أتهد واتقطع
يا قلبي فين موديني
يا تايه ف الجهات الاربع.
فتحت الباب طردتيني..
كسرت الباب خلاص ح اطلع
كتبت قصيده تشرحلك قفلتيني..
وعهد الله حبال الود مش ح اقطع
سألت القلب قال ديني وتفكيري. .
ومبدأ للي جاي يسمع. ..
حاولت بواحدة تكفيني..
انا عارف جيناتي ويا تكويني..
أنا قارئ ومش ح اسمع.
وايه يعني أحب اتنين..
ويوم الحد تكويني بمكوى بارده مش تلسع؟
أنا العادي ومش فرعون
أنا العاشق لأنثى الكون
أنا المفتون لهذا اللون
أنا المسحور وكان الله لي ف العون
(أحب .أهيم وأتمطع.)
..صحيت م النوم لقيتها واقفه بصالي. .
وشايله الواد وبترضع. .
.......................
محمود أبو الوفا
مجلة أدبية * فنية * متنوعة * شعر فصحى* شعر عامي* قصة * ومضة* أجتماعية ثقافية * سياسية
الجمعة، 10 مايو 2019
الشاعر/ محمود ابو الوفا
الاشتراك في:
تعليقات الرسالة (Atom)
ليست هناك تعليقات:
إرسال تعليق