بحر الهوى ...
تعالى أقلك يا...... غالي
ما يرخصك الا اللي كنت
ليه شاري
لا تبيع قلبك...... للهوي
لجل تكون عزيز غالي
بحر الهوي......... غدار
موجه ميه وموجه نار
صيادينه بشطه كتار
الضحكه يرموها شباك
والكلمه لهيب من نار
إياك وبحر...... الهوي
لا ليه علاج ولا.... دوا
موجه من براه هادي
ومن جواه جحيم عاتي
تروح الصبيه ...
تتهنى بسحر بحرها
يتحكم عليها ...الدور
وتعيش كام ليله لقلبها
لا الأرض شيلاها
ولا السما مغطياها
وفي الفضا راحت تغني عن العشق كام موال
ولما تروح ........عليها
يرموها يا عيني بالنار
تتكوي بيها وِيدُوبْ قلبها
وليلها ونهارها ليل اسود طويل
دموعها ما تجف
ولا قلبها بيخف
أصل بحر الهوى
جنته في اصلها نار
حواليه صور متزين بالورود وكلمات العشق
اللي أصلها تعابين
ومنها الحروف متشكلين
إتعلم!
قلبك جواك تقفل عليه بإقفال حديد
وترمي مفتاحها بمكان بعيد تنساه!
وإفتكر!
ان بحر الهوى غدار . ناره لهيب
ليله اسود طويل .
وجواه الموت للنفس قرار
واعرف يا غالي عشان تفضل غالي
مفتاح قلبك اللي نسيته
ما هيجيبه الا الغالي اللي شاريك
هيدور عليه بكل شارع وكل دار
وينكش عليه الرمل
ويوشوش عليه الودع
هيدور ولو عمره ضاع
وقتها الغالي كان للغالي نصيب
وإياك تنخدع ببحر الهوى
أصل بحر الهوي غدار
&& آمل عسكر &&
ليست هناك تعليقات:
إرسال تعليق