**** كذب النجوم ****
قابلت زمان عرافه جت في حينا
تقرا البخت وتقول ايه يحصل لنا
بصت وقالت عمرك طويل وربما
تلقي النجاح وطريق افراح منك دنا
وبنت حلال اصل وجمال انما
هتكون رفيق طول الطريق بالهنا
عدت سنين ووراها سنين تهدنا
ما شوفت يوم الا الهموم من حظنا
اه يا نجمي ياللي طاير في السما
ايه نصيبي وايه مخبي لي انا
قولي ليه كل ايامي حزن وشقى
كنت فاكر ان حياتي كلها سعد وهنا
حبي اللي كان بر الامان راح انتهي
من غير وداع او حتى كلمة تودنا
نسي حبنا واجمل سنين من عمرنا
ساب لي حنين ذكري وانين لجرحنا
يا نجمي قولي ايه مخبي لي انا
لحد امتي يبقي العذاب من بختنا
راضي يا دنيا بمر كاسك ويا الضنا
وانسي اللي راح وكلي جراح إنما
مستني فرحة جوايا طارحة بالهنا
ما يوم تغيب لاني قريب من ربنا
عالم الغيب وبكل منيب رحيم بنا
هو الوحيد اللي يعرف نصيبنا ورزقنا
اوعانا يوم لا ابراج ونجوم تحلم لنا
محدش يعرف المكتوب غير ربنا
**** Mostafaa Karm ****
ليست هناك تعليقات:
إرسال تعليق