🕜🕐🕧. الدقيقة الف ثانية 🕑🕜🕐
و الدقيقة ألف ثانية. والساعات قد السنين
وبعادك حاجة تانية. ورحي دابت م الحنين
و الليالي بتحاكمني. حتي روحي تايهة مني
الجراح والدمع صحبة و مشاعري بتخاصمني
كل حاجة حلوة انتي. كنتي بحري وسفينتي
بعد منك يا حبيبتي. عرفيني اعيش لمين
والدقيقة الف ثانية. والساعات قد السنين
***********
توهت بعدك صدقيني. والدموع عنوانها عيني
و كل ذكري حلوة بينا اشتريها وابيع سنيني
يال صورتك ويا سيرتك ويا طيفك ويا عطرك
كل ليلة دول ضيوفي. يشهدوا بأني فاكرك
كل حاجة حلوة انتي. كنتي بحري و سفينتي
بعد منك يا حبيبتي. عرفيني اعيش لمين
والدقيقة الف ثانية. و الساعات قد السنين
#الشاعر_ابراهيم_دعبس
ليست هناك تعليقات:
إرسال تعليق