:::
(( صباح الخير ))
بدون تفاصيل عن امبارح
وكان يا ما كان وانا سلطان
اقول الكلمة نتصالح
تعالي قوام نغني زمان
تعالى نحكي ونتصارح
كفاية كلام .. وكان ياما كان
كفاية القلب .. يبات سارح
وفات عمري بدون
تفاصيل ولا تفسير
كأني ما عشتش امبارح
لا انا كافر ولا سكران
ولا عمري اكون طالح
دا انا انسان يدوب سهران
وبتمنى اشوف الفجر يكون صابح
صباح الخير
ولسة مكمل مع امبارح
وفات ساعتين ...!
يدوب الصبح كان طالع
ونور الشمس يتغنى ويتصافح
مع الياسمين ...
وانا وانتي اكيد حببين
تعالي ننسى ونتصافى ونتسامح
ونقفل ماضي كان جارح
تعالي نجمع نجوم الليل
ونور الشمس اللي كان ساطع
في فجر جميل مع الياسمين
وكان طارح .. ثمار الحب
( صباحك خير )
احمد فهمي
سلطان الغرام
ليست هناك تعليقات:
إرسال تعليق