ياسمين بقلم الشاعر/ عارف البديوي

ياسمين
مالك ياياسمين
احوالك ايه واخبارك ايه
قولي طمني عليك
اطمني ياروح الروح
انا باحسن حالاتي
واسعد اوقاتي
لاني بلامس ارق الشفاه العطرية
وانعم واروع خدود جورية
والصوابع الطرية الندية
حاملاني بكل رقة وحنية
وفرع مني ياحياتي
نايم على احلى زنود بيضة طرية
زنود البنت الصبية
ومكسوف ابص بوشها
لان نظرتها سحرية
جميلة جدا وقوية
الحمد لله اللي كان نصيبي
انها تقطفني احلى بنت حورية
حسادي كتير وقالولي
تتهنى ياياسمين عالقعدة الحلوة دية
عشاق كتير يتمنوا
يكونوا مكاني يابهية
        عارف البديوي