النصيب
...............
بقينا نداري أفراحنا
ونعمل للي جاي حساب
نلكفيت حالنا على روحنا
وعينا عالنصيب ليه غاب
رضينا النفس كده حالها
وعايشه بين قلوب أحباب
نحس وشوش بتتصعب
وغيرها قالبه نص عتاب
وناس شفايفها بتمصمص
وفضحه ودها الكداب
وناس عالحيط بتتصنت
وفارشه من اللي نقا عجاب
وغيرها بييجي عالسيره
ويفتي إعملولها حجاب
وناس بالنيه تدعي لنا
بطيبه واخده بالأسباب
وعين لقريب كشفانا
تفصل من الجدار 100 باب
وجار وغريب له معانا
خزنه للشهامه حساب
بيروي القلب إيمانه
ويبقى الطبع فيه غلاب
بقلم .. صبري رسلان
مجلة أدبية * فنية * متنوعة * شعر فصحى* شعر عامي* قصة * ومضة* أجتماعية ثقافية * سياسية
الاثنين، 8 أبريل 2019
الشاعر/ صبري رسلان.. النصيب
الاشتراك في:
تعليقات الرسالة (Atom)
ليست هناك تعليقات:
إرسال تعليق