كل نسمة
كل نسمة جايه من عندك
باخدها ف حضني
واسألها عليك
كل من شافك
أطُل ف عينه
يمكن أشوف عنيك
ويسألوني: لسه فاكر ؟
ابتسم وأخبّي عيني
وأنكرك وأقول ناسيك
...........................
كل نسمة جايه من عندك
بابوسها ألف مرة
والهوى اللي شاف شفايفك
حلّى كل حاجه مُرّه.
لمسة ايديك
واحشاني موت.
نظرة عنيك
حتى السكوت.
بعدين معاك ؟
باحلف لقلبي كدب
ان معادنا بكره
واحلف لايدي
هاتلمسي ايده
واحلف لعمري
العمر هانعيده
واقول لعيني
غمضي نامي
هاشوف حبيبي
بره أحلامي
وكفايه بافتكرك
حبيبي كل نسمه
عادل أبو زيد
ليست هناك تعليقات:
إرسال تعليق