الشاعرة/ هناء الغمري

★راجعه لِيِه★
راجعه لِيِه
تأمني ليِه
بعد ماخان
وِدِك لِيِه
فاكرة إيه؟
الحنان هيشتريه
حُبِك إنتي كتير عليه
أيوه أكيد
عارفه ليه؟
لو كان حَبِك
ولمس قَلبِك
عُمره في يوم
ما يِفَرَط فيه
لكن أقولِك إيه؟
مهما يِبْعِد
يِقسٰى ويِعْنِد
برضو تاني
بتحِني ليه
هتسمعي مني؟
إوعي تسامحي
لازم تنسِي
وكمان تقسِي
وإوعي في يوم
تفكري فيه
قولي ليه؟
لأنه في يوم
ماعِرف قِيمتِك
وفَهَم طِيبتِك
ولا قَدَرلِك
شوقك ليه
عارفه هَيِجرَى إيه؟
لما الزمان
يقسى عليه
مش هيلاقي
ولا إنسان
يحِن ليه
غير قلبِك إنتي
اللي ياما
لهَمُه شِيِلتي
ولو اتضايق
بدون كلام
بتحسي بيه
بس ساعتها
صدقيني
عُمرِك ما هَترضي
تِرْجَعي ليه
لان البُعد
بيجيب قَسْوَه
وكمان نَسوَه
هَتِنْسِيه وتِسلِيه
ولا في يوم
هتحني ليه
وقتها بس
هَيحِس بيكي
ويندم عليكي
لما يشتاق
لحُبِك ليه
لكن ياخساره
هيفيدنَدَمُه
الآخِر بإيه
                   بقلم
                     هناءالغَمْرِي