الشاعر/ يوسف ونيس مجلع

بقلمى يوسف ونيس مجلع ايطاليا بريشيا
اصدقائى الاحباء اطيب التهانى بعيد الام اجمل الاعياد كلمة بالعاميه بعنوان كاس الجنه
امى  يا  حضن  الامان -------- و نعيم    وهبه   المنان
يا كاس من الجنه مليان -------- بحب و دايب فى حنان
مهما اشرب واقول رويان ------  قلبك  يقول لى  كمان
ياطارحة فى الوجدان ------------ اغصان الهنا الوان
----------------------------------------------------------
ياصرح عالى لحمانا ----------- ياطرح خير فى منانا                                                           تبينى الغضب لجفانا ----------- و قلبك ناوى رضانا
يا فرح مالى دنيانا ------------- يا اول همس فى ندانا
  حضنك  فرشنا وغطانا ------- عطفك  عرشنا  وهنانا
---------------------------------------------------------
فى عنية ضى رسمك --------- قبل ما يرمش رمشى
واغنية قلبى اسمك ------------ قبل ما اعرف امشى
ياما حنان فى همسك –--------- طبطب وقال معلشى
ضحكتى ظلك وشمسك ---- بروحك تدعى ماتزولشى
--------------------------------------------------------- 
بهجة للقلب حسك -------------- من دعاه مانشبعشى
محلا الود فى انسك ------------ جماله ما يتوصفشى
مهما نعد فى محاسنك ---------- نلاقيها ما تخلصشى
در الكلام فى وصفك ---------- رخيص ما بيعبرشى
بقلمى يوسف ونيس مجلع --- مصر